Kataloniyaning “Barselona” va “PSJ” klublarining sobiq futbolchisi Zlatan Ibrahimovich Saudiya Arabistoni chempionatiga ko‘plab futbolchilarning ko‘chib o‘tishi haqidagi fikrlari bilan o‘rtoqlashdi.

"Ba’zi futbolchilar faoliyatini katta sahnada tugatishi lozim. Chunki bu faoliyatdagi eng yuqori nuqta bo‘ladi. Sizni ishlagan pulingizga qarab emas, iste’dodingizga qarab eslab qolishlari kerak. Shuning uchun, ma’lum darajaga chiqib ulgurgan futbolchilar o‘sha joyda to‘xtashlari lozim. Yuqori bosqichni nazarda tutyapman. Pastga tushib, faoliyatni boshqacha darajada yakunlash mumkin emas. Ammo ba’zi futbolchilarga ko‘proq pul ishlash kerak bo‘ldi, chunki ular yetarli pul ishlay olmaganlar", - deya Ibrahimovich so‘zlarini keltiradi Daily Star nashri.

Eslatib o‘tamiz, Zlatanning so‘nggi ish joyi "Milan" bo‘lgan. O‘tgan yozda shvesiyalik hujumchi faoliyatini yakunlashga qaror qilgandi.