Каталониянинг “Барселона” ва “ПСЖ” клубларининг собиқ футболчиси Златан Ибраҳимович Саудия Арабистони чемпионатига кўплаб футболчиларнинг кўчиб ўтиши ҳақидаги фикрлари билан ўртоқлашди.
"Баъзи футболчилар фаолиятини катта саҳнада тугатиши лозим. Чунки бу фаолиятдаги энг юқори нуқта бўлади. Сизни ишлаган пулингизга қараб эмас, истеъдодингизга қараб эслаб қолишлари керак. Шунинг учун, маълум даражага чиқиб улгурган футболчилар ўша жойда тўхташлари лозим. Юқори босқични назарда тутяпман. Пастга тушиб, фаолиятни бошқача даражада якунлаш мумкин эмас. Аммо баъзи футболчиларга кўпроқ пул ишлаш керак бўлди, чунки улар етарли пул ишлай олмаганлар", - дея Ибраҳимович сўзларини келтиради Daily Star нашри.
Эслатиб ўтамиз, Златаннинг сўнгги иш жойи "Милан" бўлган. Ўтган ёзда швециялик ҳужумчи фаолиятини якунлашга қарор қилганди.
