Ayni damda «Botafogo» safida Braziliya chempionatida to‘p tepayotgan ispaniyalik tajribali hujumchi Diyego Kosta Ispaniya chempionatiga qaytishi mumkin.
Bu haqda Todofichajes jurnalistlari xabar bermoqda.
Manbaga ko‘ra, 34 yoshli hujumchi xizmatlariga «Rayo Valyekano» qiziqish bildirmoqda. Klub Kostani yanvardagi transfer oynasida, futbolchi erkin agentga aylanganda sotib olmoqchi.
Forvardning «Botafogo» bilan amaldagi shartnomasi 2023 yilning dekabr oyi oxirigacha amal qiladi.
Braziliya chempionatining ushbu mavsumida Diyego oltita o‘yin o‘tkazib, ikkita gol urdi. Yevropada ispaniyalik futbolchi «Atletiko Madrid» va Londonning «Chelsi» jamoalaridagi o‘yinlari bilan tanilgan.













