"Real Madrid" bosh murabbiyi Karlo Anchelotti yarim himoyachi Luka Modrich qishki transfer oynasida jamoani tark etishi mumkinmi, degan savolga javob berdi.
"Modrich yanvarda "Real"ni tark etishi mumkinmi? Yo‘q. U ketishni istamaydi. U o‘zini "Real Madrid" uchun muhim futbolchi deb hisoblaydi va biz ham shunday fikrdamiz. Biz uni jamoada saqlab qolganimizdan xursandmiz", - deya Anchelotti so‘zlarini keltirgan jurnalist Fabrisio Romano ijtimoiy tarmoqlarda.
"Real Madrid" navbatdagi o‘yinini 7 oktyabr, shanba kuni o‘tkazadi. Karlo Anchelotti shogirdlari Ispaniya chempionati 9-turida “Osasuna”ni qabul qiladi.
