«Chelsi» bosh murabbiyi Maurisio Pochettino APL 8-turi doirasida «Byornli»ga qarshi o‘yin arafasida raqib haqida o‘z fikrlari bilan o‘rtoqlashdi.
Mutaxassisning fikricha, «ko‘klar»ni qiyin o‘yin kutib turibdi, ammo londonliklar g‘alaba qozonishga harakat qilishadi.
«Ertaga qiyin o‘yin bo‘ladi. Ular ko‘p yuguradilar, kombinasion o‘ynashga harakat qiladilar va buni yaxshi uddalashadi. Biz uch ochko olishga harakat qilamiz», dedi Pochettino matbuot anjumanida.
«Byornli» - «Chelsi» uchrashuvi ertaga, 7 oktyabr kuni soat 19:00 da boshlanadi.
