"Manchester Yunayted" bosh murabbiyi Erik ten Xag jurnalistlarning Jeydon Sancho haqidagi yana bir savoliga javob berdi.
Eslatib o‘tamiz, 23 yoshli vinger ijtimoiy tarmoqlarda ustozini ochiq tanqid qilgani uchun noma’lum muddatga jamoadan chetlatilgan edi. Angliyalik futbolchi 26 avgustdan beri maydonga tushmayapti.
"Afsus, lekin Sancho bilan bog‘liq vaziyatda hech narsa o‘zgarmadi", dedi ten Xag. – U hali ham biz bilan emas, chunki u jamoa joylashgan joyda emas. Menda bu borada boshqa izoh yo‘q”, dedi “qizil iblislar” bosh murabbiyi shanba kuni bo‘lib o‘tadigan “Brentford”ga qarshi o‘yin oldidan matbuot anjumanida.
