Londonning “Chelsi” klubi sobiq bosh murabbiyi Frenk Lempard Shotlandiyaning “Glazgo Reynjers” klubini boshqarmaydi, deb xabar bermoqda The Telegraph jurnalistlari. Mutaxassis bu lavozimdan voz kechishga qaror qildi.
Lempardning rad javobidan so‘ng, Filipp Kleman va Kevin Maskat jamoa bosh murabbiyligiga asosiy nomzod sifatida ko‘rilmoqda.
Eslatib o‘tamiz, taxminan bir hafta oldin Maykl Bin Shotlandiya jamoasi bosh murabbiyligidan bo‘shatildi. Mamlakat chempionatining yetti turidan so‘ng jamoa 12 ochko jamg‘arib, turnir jadvalida uchinchi o‘rinni egallab turibdi. “Reynjers” peshqadam “Seltik”dan 7 ochko ortda qolmoqda.
