Лондоннинг “Челси” клуби собиқ бош мураббийи Фрэнк Лэмпард Шотландиянинг “Глазго Рейнжерс” клубини бошқармайди, деб хабар бермоқда The Telegraph журналистлари. Мутахассис бу лавозимдан воз кечишга қарор қилди.
Лэмпарднинг рад жавобидан сўнг, Филипп Клеман ва Кевин Маскат жамоа бош мураббийлигига асосий номзод сифатида кўрилмоқда.
Эслатиб ўтамиз, тахминан бир ҳафта олдин Майкл Бин Шотландия жамоаси бош мураббийлигидан бўшатилди. Мамлакат чемпионатининг етти туридан сўнг жамоа 12 очко жамғариб, турнир жадвалида учинчи ўринни эгаллаб турибди. “Рейнжерс” пешқадам “Селтик”дан 7 очко ортда қолмоқда.
