«Kristal Pelas»ning sobiq futbolchisi Andros Taunsend Angliya premyer-ligasi klubida ko‘rinish berishi mumkin.

Daily Express xabariga ko‘ra, futbolchi ayni damda «Luton» bilan to‘liq shartnoma imzolash umidida mashg‘ulot o‘tkazmoqda.

Eslatib o‘tamiz, Taunsend o‘tgan yozda «Everton» bilan shartnomasi tugaganidan keyin erkin agentga aylangandi. 32 yoshli ingliz haligacha yangi jamoa topa olmadi.

Taunsend «Everton» va «Kristal Pelas»dan tashqari, ilgari «Nyukasl» va Londonning «Tottenxem» tarkibida ham o‘ynagan.