«Кристал Пэлас»нинг собиқ футболчиси Андрос Таунсенд Англия премьер-лигаси клубида кўриниш бериши мумкин.
Daily Express хабарига кўра, футболчи айни дамда «Лутон» билан тўлиқ шартнома имзолаш умидида машғулот ўтказмоқда.
Эслатиб ўтамиз, Таунсенд ўтган ёзда «Эвертон» билан шартномаси тугаганидан кейин эркин агентга айланганди. 32 ёшли инглиз ҳалигача янги жамоа топа олмади.
Таунсенд «Эвертон» ва «Кристал Пэлас»дан ташқари, илгари «Ньюкасл» ва Лондоннинг «Тоттенхэм» таркибида ҳам ўйнаган.