«Barselona» bosh murabbiyi Xavi Ernandes hujumchi Robert Levandovskining jarohati haqida gapirdi.
Eslatib o‘tamiz, polshalik forvard Chempionlar ligasi doirasida «Portu»ga qarshi o‘yinda jarohat olgandi.
Endi futbolchi bir oyga yaqin vaqtni o‘tkazib yuborishga majbur, jumladan, «Real Madrid»ga qarshi «el-klasiko»ni ham.
«Levandovskini yo‘qotish odamni xafa qiladi. U bizning to‘purarimiz, hujumkor tayanch nuqtamiz va yetakchimiz.
Robertning pozisiyasida Feliks va Torres o‘ynashi mumkin, shuningdek, bizda o‘rinbosarlardan Pau Viktor ham bor.
Bizning ixtiyorimizda Levandovski roliga moslasha oladigan bir nechta o‘yinchilar bor», - dedi Xavi matbuot anjumanida.
