«Barselona» o‘z tarkibini kuchaytirishni rejalashtirmoqda.
Kataloniyaliklar maydon markaziga o‘yinchi olishni muhim vazifa deb bilishadi. Biroq «ko‘k-anorranglilar» yanvar oyida yarim himoyachini transfer qila olmasligining ehtimoli yuqori.
Gap shundaki, kataloniyaliklar hali ham moliyaviy qiyinchiliklarni boshdan kechirishmoqda. Yarim himoyachi bilan shartnoma imzolash va shu bilan birga moliyaviy qoidalarga moslashish deyarli imkonsiz bo‘ladi.
«Barselona» ayni damda Ispaniya chempionati turnir jadvalida ikkinchi o‘rinni egallab turibdi. Xavi shogirdlari peshqadam «Real»dan atigi bir ochko ortda qolmoqda.
«Barselona» navbatdagi o‘yinini 8 oktyabr kuni mehmonda «Granada»ga qarshi o‘tkazadi.