«Барселона» ўз таркибини кучайтиришни режалаштирмоқда.
Каталонияликлар майдон марказига ўйинчи олишни муҳим вазифа деб билишади. Бироқ «кўк-анорранглилар» январь ойида ярим ҳимоячини трансфер қила олмаслигининг эҳтимоли юқори.
Гап шундаки, каталонияликлар ҳали ҳам молиявий қийинчиликларни бошдан кечиришмоқда. Ярим ҳимоячи билан шартнома имзолаш ва шу билан бирга молиявий қоидаларга мослашиш деярли имконсиз бўлади.
«Барселона» айни дамда Испания чемпионати турнир жадвалида иккинчи ўринни эгаллаб турибди. Хави шогирдлари пешқадам «Реал»дан атиги бир очко ортда қолмоқда.
«Барселона» навбатдаги ўйинини 8 октябрь куни меҳмонда «Гранада»га қарши ўтказади.