Xanchjou Osiyo o‘yinlarida O‘zbekiston delegasiyasi hisobiga yana bitta oltin medal qo‘shildi!
Badiiy gimnastika bo‘yicha bugun 24 sportchi ishtirokida yakkalikda final bahslari bo‘lib o‘tdi. Unda mamlakatimiz sharafini Taxmina Ikromova va Yevelina Atalyans himoya qilishdi.
Dastlabki ikki yo‘nalish — halqa va to‘p bilan mashqlardan keyin qozog‘istonlik va xitoylik qizlar biroz oldinga o‘tib olishdi. Bulava va lenta bilan bajarilgan mashqlardan keyin Ikromova barchadan o‘tib ketib, 131.300 ball jamg‘ardi.
Ikkinchi va uchinchi o‘rinlar qozog‘istonlik qizlarga nasib etdi. Eljana Taniyeva 130.700 ball bilan ikkinchi, Milana Parfilova esa 130.050 bilan uchinchi o‘rinni qo‘lga kiritdi.
Hamyurtimiz Yevelina Atalyans 4-o‘rinni band etdi (128.750 ball)
Xanchjou-2022. Badiiy gimnastika, yakkalik, final
1. Taxmina Ikromova (O‘bekiston) — 32.000 — 33.250 — 34.100 — 31.950 = 131.300
2. Eljana Taniyeva (Qozog‘iston) — 31.850 — 32.700 — 32.800 — 33.350 = 130.700
3. Milana Parfilova (Qozog‘iston) — 33.650 — 32.450 — 32.100 — 31.850 = 130.050
4. Yevelina Atalyans (O‘zbekiston) — 33.600 — 32.350 — 30.750 — 32.050 = 128.750 .
