Ханчжоу Осиё ўйинларида Ўзбекистон делегацияси ҳисобига яна битта олтин медаль қўшилди!

Бадиий гимнастика бўйича бугун 24 спортчи иштирокида яккаликда финал баҳслари бўлиб ўтди. Унда мамлакатимиз шарафини Тахмина Икромова ва Евелина Атальянц ҳимоя қилишди.

Дастлабки икки йўналиш — ҳалқа ва тўп билан машқлардан кейин қозоғистонлик ва хитойлик қизлар бироз олдинга ўтиб олишди. Булава ва лента билан бажарилган машқлардан кейин Икромова барчадан ўтиб кетиб, 131.300 балл жамғарди.

Иккинчи ва учинчи ўринлар қозоғистонлик қизларга насиб этди. Элжана Таниева 130.700 балл билан иккинчи, Милана Парфилова эса 130.050 билан учинчи ўринни қўлга киритди.

Ҳамюртимиз Евелина Атальянц 4-ўринни банд этди (128.750 балл)

Ханчжоу-2022. Бадиий гимнастика, яккалик, финал

1. Тахмина Икромова (Ўбекистон)  — 32.000 — 33.250 — 34.100 — 31.950 = 131.300
2. Элжана Таниева (Қозоғистон) — 31.850 — 32.700 — 32.800 — 33.350 = 130.700    
3. Милана Парфилова (Қозоғистон) — 33.650 — 32.450 — 32.100 — 31.850  = 130.050
4. Евелина Аталянц (Ўзбекистон)  — 33.600 — 32.350 — 30.750 — 32.050 = 128.750    .