Jud Bellingem ketma-ket uchinchi o‘yinda «Real Madrid» safida raqib darvozasini ishg‘ol qildi.
Madridliklar yarim himoyachisi La Liganing 9-turidan o‘rin olgan «Osasuna»ga qarshi bahsda hisobni ochgan bo‘lsa, 54-daqiqada dubl qayd etdi. Bungacha u «Jirona» (3:0) va «Napoli» (3:2) darvozalariga gol urgan edi.
Bellingem «Real» safidagi barcha musobaqalardagi 10-uchrashuvini o‘tkazdi, 10 ta gol va 3 ta golli uzatma.
La Ligada angliyalik futbolchi 8 ta gol urdi, to‘purarlar ro‘yxatini boshqarib turibdi. Uning eng yaqin ta’qibchilari – Robert Levandovski, Takefusa Kubo va Alvaro Moratada 5 tadan gol bor.
