Jud Bellingem La Ligada Krishtianu Ronalduning rekordini ortda qoldirdi.
Madridning «Real» klubi yarim himoyachisi 9-turda «Osasuna» bilan o‘yinning 9-daqiqasidayoq hisobni ochgan bo‘lsa, 54-daqiqada dubl qayd etdi. Bu uning Ispaniya chempionatidagi 7 va 8-gollari bo‘ldi.
Krishtianu Ronaldu 2009 yilning shu davrida madridliklar safida 7 ta gol urgan edi.
Shu bilan birga, barcha turnirlarda «Real» uchun dastlabki 10 ta o‘yinda Bellingem samarali harakatlari bo‘yicha portugaliyalikdan oldinda.
Yarim himoyachi hisobida 10 ta gol va 3 ta golli uzatma, Ronalduda esa 10 ta gol va 1 ta golli uzatma bor edi.
