Lissabonning "Sporting" klubi markaziy himoyachisi Gonsalu Inasiuga "Liverpul" qiziqish bildirmoqda.
Avval xabar qilinganidek, 22 yoshli futbolchiga Angliyaning yana bir grandi "Manchester Yunayted" da’vogarlik qilmoqda. Football Insider xabariga ko‘ra, "Liverpul" Inasiu uchun kurashda "qizil iblislar" bilan raqobatlasha oladi, ular yanvarda futbolchini sotib olishni o‘ylamoqda. Yaqinda portugaliyalik futbolchi "Sporting" bilan shartnomasini 2027 yilgacha uzaytirdi - shartnomada tovon puli 60 million yevroni tashkil qiladi.
Gonsalu Inasiu joriy mavsumda Lissabon klubining 9ta uchrashuvida ishtirok etdi. Transfermarkt ekspertlari himoyachining narxini 30 million yevroga baholamoqda.