Лиссабоннинг "Спортинг" клуби марказий ҳимоячиси Гонсалу Инасиуга "Ливерпуль" қизиқиш билдирмоқда.

Аввал хабар қилинганидек, 22 ёшли футболчига Англиянинг яна бир гранди "Манчестер Юнайтед" даъвогарлик қилмоқда. Football Insider хабарига кўра, "Ливерпуль" Инасиу учун курашда "қизил иблислар" билан рақобатлаша олади, улар январда футболчини сотиб олишни ўйламоқда. Яқинда португалиялик футболчи "Спортинг" билан шартномасини 2027 йилгача узайтирди - шартномада товон пули 60 миллион еврони ташкил қилади.

Гонсалу Инасиу жорий мавсумда Лиссабон клубининг 9та учрашувида иштирок этди. Transfermarkt экспертлари ҳимоячининг нархини 30 миллион еврога баҳоламоқда.