"Manchester Yunayted" vingeri Jeydon Sancho "Yuventus"ning nishoniga aylandi.
23 yoshli futbolchi hamon jazo muddatini o‘tamoqda - u jamoa bosh murabbiyi Erik ten Xag bilan mojaro tufayli jamoadan chetlatilgan. Angliyalik futbolchining kelajakda "qizil iblislar" safida o‘ynashi yoki o‘ynamasligi hozircha malum emas. The Sun xabariga ko‘ra, "Yuventus" Sancho uchun da’vogarlar ro‘yxatiga qo‘shildi. Turin klubi futbolchini yanvarda ijaraga olmoqchi, ammo "Manchester Yunayted" Jeydonning maoshining yarmini to‘lashda davom etishiga umid qilmoqda. Shartnomada sotib olish imkoniyati ham bo‘lishi mumkin.
Transfermarkt portali ma’lumotlariga ko‘ra, Sanchoning narxi 45 million yevroni tashkil qiladi.