Angliya chempionatining sakkizinchi turida “Liverpul” safarda “Brayton”ni mag‘lub eta olmadi – o‘yin 2:2 hisobida yakunlandi. "Liverpul"ning argentinalik yarim himoyachisi, avvalroq "Brayton"da harakat qilgan Aleksis Makallisterning fikricha, uning jamoasi o‘yinda ikki ochko yo‘qotgan:
"Agar atmosfera haqida gapiradigan bo‘lsak, unda hamma narsa ajoyib edi, meni yaxshi kutib olishdi. Biz o‘yinni deyarli yutgandik, ammo g‘alabani ushlab tura olmadik. "Umuman olganda, bu munosib o‘yin bo‘ldi, shundan so‘ng biz o‘zimizni ikki ochko yo‘qotgandek his qildik", - deya MakAllister so‘zlarini keltiradi BBC Sport.
Chempionatning navbatdagi turida “Liverpul” “Everton”ga qarshi kurash olib boradi.
