Англия чемпионатининг саккизинчи турида “Ливерпуль” сафарда “Брайтон”ни мағлуб эта олмади – ўйин 2:2 ҳисобида якунланди. "Ливерпуль"нинг аргентиналик ярим ҳимоячиси, аввалроқ "Брайтон"да ҳаракат қилган Алексис Макаллистернинг фикрича, унинг жамоаси ўйинда икки очко йўқотган:
"Агар атмосфера ҳақида гапирадиган бўлсак, унда ҳамма нарса ажойиб эди, мени яхши кутиб олишди. Биз ўйинни деярли ютгандик, аммо ғалабани ушлаб тура олмадик. "Умуман олганда, бу муносиб ўйин бўлди, шундан сўнг биз ўзимизни икки очко йўқотгандек ҳис қилдик", - дея МакАллистер сўзларини келтиради BBC Sport.
Чемпионатнинг навбатдаги турида “Ливерпуль” “Эвертон”га қарши кураш олиб боради.
