Italiya chempionati doirasida “Kalyari”ga qarshi o‘yinda jarohat olgan “Roma”ning argentinalik hujumchisi Paulo Dibala tibbiy ko‘rikdan o‘tkazildi. Bu haqda Calciomercato. jurnalistlari xabar bermoqda.

Manbaning xabariga ko‘ra, hujumchiga muskul cho‘zilishi tashxisi qo‘yilgan. Dibalaning tiklanishi uchun 20-30 kun kerak bo‘ladi.

Joriy Italiya chempionatida 29 yoshli argentinalik futbolchi oltita o‘yin o‘tkazdi. Paulo ikkita gol va ikkita golli uzatmani amalga oshirdi.

A Seriyaning sakkiz turi yakunlariga ko‘ra, Rim klubi turnir jadvalida o‘ninchi o‘rinda bormoqda.