«Manchester Siti» bosh murabbiyi Pep Gvardiola Lionel Messi Diyego Maradonadan nimasi bilan farq qiladi degan savolga javob berdi.

«Men Maradonani ham, Messini ham ko‘rdim. Bir paytlar Maradona juda kuchli futbolchi edi, lekin shuni aytmoqchimanki, Leo o‘zgacha o‘yinchi», - deya Gvardiolaning so‘zlaridan iqtibos keltiradi Calciomercato.

Eslatib o‘tamiz, Messi hozirda Mayamining «Inter» jamoasida o‘ynaydi. Joriy mavsumda 36 yoshli hujumchi barcha turnirlarni hisobga olgan holda 13 ta uchrashuvda qatnashib, 11 ta gol urdi va 5 ta golli uzatmani amalga oshirdi.