«Манчестер Сити» бош мураббийи Пеп Гвардиола Лионель Месси Диего Марадонадан нимаси билан фарқ қилади деган саволга жавоб берди.
«Мен Марадонани ҳам, Мессини ҳам кўрдим. Бир пайтлар Марадона жуда кучли футболчи эди, лекин шуни айтмоқчиманки, Лео ўзгача ўйинчи», - дея Гвардиоланинг сўзларидан иқтибос келтиради Calciomercato.
Эслатиб ўтамиз, Месси ҳозирда Майамининг «Интер» жамоасида ўйнайди. Жорий мавсумда 36 ёшли ҳужумчи барча турнирларни ҳисобга олган ҳолда 13 та учрашувда қатнашиб, 11 та гол урди ва 5 та голли узатмани амалга оширди.
