Turinning "Yuventus" klubi qishki transfer oynasida "Manchester Yunayted" vingeri Jeydon Sanchoni taklif qilmoqchi emas. Jurnalist Fabrisio Romano bergan ma’lumotlarga ko‘ra, "keksa sinyora" hujumda yetarlicha variantlarga ega deb hisoblamoqda.
“Yuventus” birinchi navbatda yanvar oyida yangi yarim himoyachini sotib olmoqchi. Massimiliano Allegri shogirdlari ayni damda hujumkor o‘yinchilarni xarid qilmoqchi emas, chunki murabbiy hujumni to‘liq deb hisoblamoqda.
Eslatib o‘tamiz, Sancho mavsum boshida “Manchester Yunayted” bosh murabbiyi Erik ten Xag bilan mojaroga uchragan edi. Ijtimoiy tarmoqlarda ustozi haqida aytgan gaplari uchun ingliz futbolchisi hamon o‘yinlardan chetlatilgan.