Туриннинг "Ювентус" клуби қишки трансфер ойнасида "Манчестер Юнайтед" вингери Жейдон Санчони таклиф қилмоқчи эмас. Журналист Фабрицио Романо берган маълумотларга кўра, "кекса синьора" ҳужумда етарлича вариантларга эга деб ҳисобламоқда.
“Ювентус” биринчи навбатда январь ойида янги ярим ҳимоячини сотиб олмоқчи. Массимилиано Аллегри шогирдлари айни дамда ҳужумкор ўйинчиларни харид қилмоқчи эмас, чунки мураббий ҳужумни тўлиқ деб ҳисобламоқда.
Эслатиб ўтамиз, Санчо мавсум бошида “Манчестер Юнайтед” бош мураббийи Эрик тен Хаг билан можарога учраган эди. Ижтимоий тармоқларда устози ҳақида айтган гаплари учун инглиз футболчиси ҳамон ўйинлардан четлатилган.
