Rudi Garsiya tez orada «Napoli» bosh murabbiyi lavozimidan chetlatilishi mumkin. Mish-mishlarga ko‘ra, Neapol klubi prezidenti Aurelio de Laurentis Antonio Konte bilan faol muzokaralar olib bormoqda.
«Napoli»ning sobiq futbolchisi Kalidu Kulibali vaziyatga izoh berdi.
«Garsiya ajoyib murabbiy va unga avvalgi murabbiylar kabi moslashish uchun vaqt kerak. «Napoli»ning bir nechta o‘yinchilari bilan gaplashdim va ular buni menga tasdiqlashdi. Umid qilamanki, klubda uning ishlashi uchun sabr-toqat kerak bo‘ladi.
Konte ham ajoyib murabbiy, u meni o‘z klublariga qo‘shib olmoqchi edi. Men uni juda hurmat qilaman va u buni biladi, lekin men Rudi Garsiyani xuddi shunday hurmat qilaman.
Murabbiylarni tez-tez almashtirib turish yaxshi emas. Umid qilamanki, «Napoli» Garsiyaga vaqt beradi», - deya Kulibalidan iqtibos keltiradi Football Italia.
