«PSJ» hujumchisi Kilian Mbappe Ispaniya poytaxti Madriddan uy sotib olishni rejalashtirmoqda.
Bu haqda jurnalist Eduardo Agirre gapirdi.
Manbaning xabariga ko‘ra, 24 yoshli futbolchi Madriddan uyni band qilib qo‘ygan va yaqin orada uni sotib olmoqchi.
Eslatib o‘tamiz, o‘tgan yozda Mbappening «Real»ga o‘tishi transfer oynasining asosiy yangiliklaridan biriga aylangan edi, ammo kelishuv yakunda amalga oshmadi.
Hujumchining «PSJ» bilan amaldagi mehnat shartnomasi 2024 yilning iyun oyi oxirigacha amal qiladi.
Transfermarkt internet portali ekspertlari Mbappening narxini 180 million yevroga baholamoqda.
