«ПСЖ» ҳужумчиси Килиан Мбаппе Испания пойтахти Мадриддан уй сотиб олишни режалаштирмоқда.
Бу ҳақда журналист Эдуардо Агирре гапирди.
Манбанинг хабарига кўра, 24 ёшли футболчи Мадриддан уйни банд қилиб қўйган ва яқин орада уни сотиб олмоқчи.
Эслатиб ўтамиз, ўтган ёзда Мбаппенинг «Реал»га ўтиши трансфер ойнасининг асосий янгиликларидан бирига айланган эди, аммо келишув якунда амалга ошмади.
Ҳужумчининг «ПСЖ» билан амалдаги меҳнат шартномаси 2024 йилнинг июнь ойи охиригача амал қилади.
Transfermarkt интернет портали экспертлари Мбаппенинг нархини 180 миллион еврога баҳоламоқда.
