"Vest Xem" yarim himoyachisi Tomas Souchek kelasi yozda "Inter"ga o‘tishi mumkin, deya xabar beradi Calciomercato.
Manbaga ko‘ra, milan klubi Chexiya terma jamoasi futbolchisini erkin agent sifatida o‘z safiga qo‘shib olishni istamoqda, chunki uning "bolg‘achilar" bilan shartnomasi joriy mavsum oxirigacha amal qiladi va hali yangi shartnoma imzolanmagan.
Joriy mavsumda 28 yoshli futbolchi barcha musobaqalarda o‘nta o‘yinda qatnashib, to‘rtta gol urdi va jamoadoshlariga bitta golli uzatma yozdirib qo‘ydi.
Avvalroq u Praganing “Slaviya” va boshqa bir qator Chexiya klublarida o‘ynagan.