"Вест Хэм" ярим ҳимоячиси Томас Соучек келаси ёзда "Интер"га ўтиши мумкин, дея хабар беради Calciomercato.
Манбага кўра, милан клуби Чехия терма жамоаси футболчисини эркин агент сифатида ўз сафига қўшиб олишни истамоқда, чунки унинг "болғачилар" билан шартномаси жорий мавсум охиригача амал қилади ва ҳали янги шартнома имзоланмаган.
Жорий мавсумда 28 ёшли футболчи барча мусобақаларда ўнта ўйинда қатнашиб, тўртта гол урди ва жамоадошларига битта голли узатма ёздириб қўйди.
Аввалроқ у Праганинг “Славия” ва бошқа бир қатор Чехия клубларида ўйнаган.
