O‘zbekiston U-23 terma jamoasi bosh murabbiyi Timur Kapadze Ispaniyaga qarshi uchrashuv oldidan matbuot anjumanida ishtirok etdi.
Osiyo o‘yinlaridan qaytishimiz bilanoq ushbu bahsga tayyorgarlik ko‘rishni boshladik. Ispaniya yoshlar terma jamoasi Yevropa chempionati saralash bosqichida ikkita o‘yin o‘tkazgan, biroq murabbiy avvalgi jamoa bilan ham ishlagan. Shunga qaramasdan ertaga eng yaxshi o‘yinlarimizdan birini ko‘rsatishimizga ishonaman.
Futbolchilar asta-sekin tiklanishmoqda, xalqaro o‘rtoqlik uchrashuvlari jamoa sifatida o‘sishimizga yordam beradi.
Terma jamoa libosida doimo g‘alaba qozonish shart. Ispaniyalik futbolchilar har taraflama shakllangan bo‘ladi, biroq bizning ham o‘z rejalarimiz bor, o‘yinchilarimiz mahoratli, nasib qilsa yaxshi natija qayd etamiz.
Barcha futbolchilar asosiy tarkibga munosib, ertangi o‘yinga kim tayyor bo‘lsa, albatta, maydonga tushiramiz, Ispaniya va Misrga qarshi o‘yinlarda barcha futbolchilarga imkoniyat beriladi», – dedi Kapadze.
