Superliga 22-turini ochib bergan o‘yinda "Qizilqum" o‘z maydonida OKMKni qabul qildi. Navoiyda kechgan bahsda mehmonlari 2:1 hisobida g‘alabaga erishdi.
Dastlab, Islom Kenjaboyev 28-daqiqada gol urib mezbonlarni hisobda oldinga olib chiqqandi. Bu golga olmaliqliklar 2 bor javob qaytarishdi. 50-daqiqada Robert Sanches penaltidan to‘p kiritgan bo‘lsa, 70-daqiqada Muhammadanas Hasanov "konchilar" g‘alabasini ta’minladi. Mezbonlar vakili Islom Kenjaboyev dubl qayd etishi mumkin edi, ammo u 90-daqiqada 11 metrlik nuqtadan aniq zarba berolmadi.
OKMK bu g‘alaba orqali ochkolarini 36 taga yetkazib oldi va turnir jadvalida 5-o‘rnini mustahkamladi. "Qizilqum" 18 ochko bilan 12-pog‘onada.
