"Real Madrid" qishki transfer oynasida yangi hujumchi xarid qilmaslikka qaror qildi.
So‘nggi paytlarda qirollik klubi hujumchi futbolchini qo‘lga kiritish haqida o‘ylayotgandi, ammo Jud Bellingem va Xoseluning muvaffaqiyatli o‘yinlari "Los Blankos"ning yakuniy qaroriga ta’sir qildi. Madridliklar yanvarda hujumchi topishga e’tibor qaratmaydi.
Joriy Ispaniya chempionatida Bellingem sakkizta o‘yin o‘tkazib, sakkizta gol urdi. Xoselu La Liganing to‘qqizta uchrashuvida 5ta gol urgan.