Yurgen Klopp yaqinda uning jamoasi xalqaro tanaffusdan keyin shanba kuni mahalliy vaqt bilan soat 12:30da muntazam ravishda o‘yin o‘tkazishidan shikoyat qildi.
Sentyabr oyida ham shunday bo‘ldi, oktyabr oyida ham bo‘ladi, ma’lum bo‘lishicha, noyabrda ham shunday bo‘ladi. Jurnalist Pol Joys ijtimoiy tarmoqlarda xabar berishicha, “Manchester Siti” – “Liverpul” uchrashuvi 25 noyabr kuni Buyuk Britaniya vaqti bilan soat 14:30da boshlanadi.
Jurnalistning ta’kidlashicha, Klopp "Liverpul" bosh murabbiyi etib tayinlanganidan beri (2015 yil oktyabr) bu jamoa xalqaro tanaffusdan keyin shanba kuni tushdan keyin 14-marta o‘yin o‘tkazadi. Belgilangan davrdagi bunday uchrashuvlar soni bo‘yicha ikkinchi o‘rinni oltita o‘yin bilan «Tottenxem» egallab turibdi.
