Moskvaning SSKA klubi yarim himoyachisi Ivan Oblyakov "harbiylar" jamoasiga yangi kelgan hamyurtimiz Abbosbek Fayzullayev haqida o‘z fikrlari bilan o‘rtoqlashdi.
Avgust oyida Fayzullayev O‘zbekistonning “Paxtakor” klubidan SSKAga o‘tgan bo‘lsa-da, sentyabr oyda “qizil-ko‘klar” safida oyning eng yaxshi futbolchisi deb topildi.
— Jamoaga yangi kelgan Abbosbek Fayzullayev sentyabr oyida SSKAning eng yaxshi futbolchisi deb topildi. U qanday qabul qilindi? Iste’dodni darhol payqadingizmi?
- Birinchi mashg‘ulotlardan buni aytish qiyin edi va unga vaqt kerak edi. Keyin u moslashdi, biz uni yaxshi qabul qildik, u bilan muloqot qilamiz, u yaxshi yigit. Uning yaxshi fazilatlari bor, hayotda kamtarin, lekin futbol maydonida uning ko‘p harakat qilayotganini, mehnat qilayotganini ko‘rish mumkin. U jamoaga yordam beradi, albatta.
— Mashg‘ulotlardan biriga 30 kilogramm o‘zbek palovini olib kelgani rostmi?
- Ha, yaqinda shunday payt bo‘ldi. Biz mashg‘ulot o‘tkazayotgan edik, qayerdandir palov buyurdi. Ular ulkan qozon palov olib kelishdi, shuning uchun hammamiz mazali tushlik qildik" - dedi Oblyakov "KP Sport" nashriga bergan intervyusida.
Joriy mavsumda 20 yoshli Abbosbek Fayzullayev SSKA safida 9ta o‘yinda maydonga tushib, 1ta gol urdi va 1ta golga assistentlik qildi. Transfermarkt portali yarim himoyachining narxini 2 million yevroga baholamoqda.
