Москванинг ЦСКА клуби ярим ҳимоячиси Иван Обляков "ҳарбийлар" жамоасига янги келган ҳамюртимиз Аббосбек Файзуллаев ҳақида ўз фикрлари билан ўртоқлашди.
Август ойида Файзуллаев Ўзбекистоннинг “Пахтакор” клубидан ЦСКАга ўтган бўлса-да, сентябрь ойда “қизил-кўклар” сафида ойнинг энг яхши футболчиси деб топилди.
— Жамоага янги келган Аббосбек Файзуллаев сентябрь ойида ЦСКАнинг энг яхши футболчиси деб топилди. У қандай қабул қилинди? Истеъдодни дарҳол пайқадингизми?
- Биринчи машғулотлардан буни айтиш қийин эди ва унга вақт керак эди. Кейин у мослашди, биз уни яхши қабул қилдик, у билан мулоқот қиламиз, у яхши йигит. Унинг яхши фазилатлари бор, ҳаётда камтарин, лекин футбол майдонида унинг кўп ҳаракат қилаётганини, меҳнат қилаётганини кўриш мумкин. У жамоага ёрдам беради, албатта.
— Машғулотлардан бирига 30 килограмм ўзбек паловини олиб келгани ростми?
- Ҳа, яқинда шундай пайт бўлди. Биз машғулот ўтказаётган эдик, қаердандир палов буюрди. Улар улкан қозон палов олиб келишди, шунинг учун ҳаммамиз мазали тушлик қилдик" - деди Обляков "КП Спорт" нашрига берган интервьюсида.
Жорий мавсумда 20 ёшли Аббосбек Файзуллаев ЦСКА сафида 9та ўйинда майдонга тушиб, 1та гол урди ва 1та голга ассистентлик қилди. Transfermarkt портали ярим ҳимоячининг нархини 2 миллион еврога баҳоламоқда.
