“Milan” Italiya chempionatining sakkizinchi turida “Jenoa”ni qiyinchiliklar bilan mag‘lub etdi va o‘yin yakunida hal qiluvchi golni Kristian Pulishich kiritdi. To‘g‘ri, uning goli ko‘plab bahs-munozaralarga sabab bo‘ldi - takroriy vaziyatda Kristianning to‘pni qabul qilishda qo‘li bilan o‘ynagani sezildi. Biroq, uning o‘zi boshqacha fikrda.

"To‘p ko‘krak va qo‘ltig‘imga tegdi, buni men qo‘l to‘pi deb hisoblamayman. Men vaziyatni nazorat qilardim. Shuning uchun golni qayd etish qarorini to‘g‘ri deb bilaman", - deya Pulishichning so‘zlarini keltiradi pianetamilan.it.

Chempionatning navbatdagi turida “Milan” Turinning “Yuventus” jamoasiga qarshi bahs olib boradi.