“Милан” Италия чемпионатининг саккизинчи турида “Женоа”ни қийинчиликлар билан мағлуб этди ва ўйин якунида ҳал қилувчи голни Кристиан Пулишич киритди. Тўғри, унинг голи кўплаб баҳс-мунозараларга сабаб бўлди - такрорий вазиятда Кристианнинг тўпни қабул қилишда қўли билан ўйнагани сезилди. Бироқ, унинг ўзи бошқача фикрда.

"Тўп кўкрак ва қўлтиғимга тегди, буни мен қўл тўпи деб ҳисобламайман. Мен вазиятни назорат қилардим. Шунинг учун голни қайд этиш қарорини тўғри деб биламан", - дея Пулишичнинг сўзларини келтиради pianetamilan.it.

Чемпионатнинг навбатдаги турида “Милан” Туриннинг “Ювентус” жамоасига қарши баҳс олиб боради.