"Chelsi" sardori Ris Jeyms xalqaro tanaffusdan so‘ng bo‘lib o‘tadigan "Arsenal"ga qarshi London derbisi uchun vaqtida tiklanishga ulgurmasligi mumkin. Jurnalist Saymon Fillips bergan ma’lumotlarga ko‘ra, angliyalikning tiklanish jarayoni yaxshi ketmoqda, ammo uning "kanonirlar" bilan o‘yinda maydonga tusha olishi hozircha ma’lum emas.
Eslatib o‘tamiz, Jeyms joriy mavsumda Angliya Premyer-ligasining 1-turida "Liverpul"ga qarshi o‘yinda ishtirok etgan, shundan so‘ng mashg‘ulotlarda jarohat olib, safdan chiqqandi.
Jeyms Premyer-liganing so‘nggi turida hakamga nisbatan nomaqbul xatti-harakati uchun diskvalifikasiya qilindi. Eslatib o‘tamiz, avvalroq Ris tribuna ostida "Chelsi" - "Aston Villa" uchrashuvini boshqargan hakamga qo‘pol gapirgan edi.
