"Челси" сардори Рис Жеймс халқаро танаффусдан сўнг бўлиб ўтадиган "Арсенал"га қарши Лондон дербиси учун вақтида тикланишга улгурмаслиги мумкин. Журналист Саймон Филлипс берган маълумотларга кўра, англияликнинг тикланиш жараёни яхши кетмоқда, аммо унинг "канонирлар" билан ўйинда майдонга туша олиши ҳозирча маълум эмас.
Эслатиб ўтамиз, Жеймс жорий мавсумда Англия Премьер-лигасининг 1-турида "Ливерпуль"га қарши ўйинда иштирок этган, шундан сўнг машғулотларда жароҳат олиб, сафдан чиққанди.
Жеймс Премьер-лиганинг сўнгги турида ҳакамга нисбатан номақбул хатти-ҳаракати учун дисквалификасия қилинди. Эслатиб ўтамиз, аввалроқ Рис трибуна остида "Челси" - "Астон Вилла" учрашувини бошқарган ҳакамга қўпол гапирган эди.
