Huquqlari Bilbaoning "Atletik" klubiga tegishli bo‘lgan markaziy himoyachi Dani Vivian faoliyatini boshqa ispan klubida davom ettirishi mumkin. Bu haqda ijtimoiy tarmoqlarda insayder Ekrem Konur xabar berdi.
Manbaning xabariga ko‘ra, 24 yoshli futbolchini "Atletiko Madrid" o‘z safiga qo‘shib olmoqchi. Potensial transfer summasi 15 million yevro atrofida bo‘lishi mumkin. Vivianning basklar bilan amaldagi shartnomasi 2026 yilning iyun oyi oxirigacha amal qiladi.
Ispaniya chempionatining joriy mavsumida himoyachi 9 ta o‘yinda maydonga tushib, ikkita sariq kartochka oldi.