Ҳуқуқлари Бильбаонинг "Атлетик" клубига тегишли бўлган марказий ҳимоячи Дани Вивиан фаолиятини бошқа испан клубида давом эттириши мумкин. Бу ҳақда ижтимоий тармоқларда инсайдер Экрем Конур хабар берди.
Манбанинг хабарига кўра, 24 ёшли футболчини "Атлетико Мадрид" ўз сафига қўшиб олмоқчи. Потенциал трансфер суммаси 15 миллион евро атрофида бўлиши мумкин. Вивианнинг басклар билан амалдаги шартномаси 2026 йилнинг июнь ойи охиригача амал қилади.
Испания чемпионатининг жорий мавсумида ҳимоячи 9 та ўйинда майдонга тушиб, иккита сариқ карточка олди.