"Real Madrid" vingeri Vinisius Junior o‘tgan yozda "Qirollik klubi"ni tark etib, erkin agent sifatida "Al-Ittihod"ga o‘tgan hujumchi Karim Benzema uning faoliyatiga qanday ta’sir qilgani haqida gapirib berdi.
"Benzema menga maydonda ham, undan tashqarida ham ko‘p narsani o‘rgatdi. U har doim menga haqiqatni aytdi. Bu meni doimo diqqatimni jamlashga majbur qildi. Men dam olayotganimda Karimning jahli chiqib ketardi. U tarixdagi eng yaxshilaridan biri. Bir kuni Benzema menga shunday degandi: "Agar sen 30 ta gol ura olsang, shuncha ko‘p gol urishing kerak, 29 ta haqida o‘ylamaslik kerak", - dedi Vinisius L’Equipe bilan suhbatda.
Eslatib o‘tamiz, Vinisius joriy mavsum Ispaniya chempionatida ikkita gol urdi va bitta golli uzatmani amalga oshirdi.
