Belgiyaning "Antverpen" klubi yarim himoyachisi Artur Vermeren faoliyatini Italiya A Seriyasida davom ettirishi mumkin. Getfootballnewsitaly nashri xabariga ko‘ra, Turinning "Yuventus" klubi futbolchini o‘z safiga qo‘shib olishni rejalashtirmoqda.
"Keksa sinyora" belgiyalikni doping-testdan o‘ta olmagan fransiyalik Pol Pogbaning o‘rnida ko‘rmoqda. Turin klubi Vermerenni yanvardagi transfer oynasida qo‘lga kiritishga harakat qiladi.
18 yoshli yarim himoyachi 2022 yilning yozidan buyon "Antverpen"da o‘ynamoqda va uning klub bilan shartnomasi 2026 yilning o‘rtalariga qadar amal qiladi. Arturning transfer narxi 17 million yevro.
