Бельгиянинг "Антверпен" клуби ярим ҳимоячиси Артур Вермерен фаолиятини Италия А Сериясида давом эттириши мумкин. Getfootballnewsitaly нашри хабарига кўра, Туриннинг "Ювентус" клуби футболчини ўз сафига қўшиб олишни режалаштирмоқда.

"Кекса синьора" бельгияликни допинг-тестдан ўта олмаган франциялик Поль Погбанинг ўрнида кўрмоқда. Турин клуби Вермеренни январдаги трансфер ойнасида қўлга киритишга ҳаракат қилади.

18 ёшли ярим ҳимоячи 2022 йилнинг ёзидан буён "Антверпен"да ўйнамоқда ва унинг клуб билан шартномаси 2026 йилнинг ўрталарига қадар амал қилади. Артурнинг трансфер нархи 17 миллион евро.