"Real Madrid" safida kelasi mavsumdan boshlab 9-raqamda Endrik harakat qiladi. Bu haqda Ispaniyaning "AS" nashri xabar berdi.

"Real" yozda Endrikning kelishini kutmoqda. Braziliyalik futbolchi 18 yoshga to‘lganidan so‘ng (21 iyul) darhol Ispaniya poytaxtiga yo‘l oladi va mavsumoldi tayyorgarlik doirasida darhol asosiy jamoa bilan ishlashni boshlaydi.

"Palmeyras" tarkibida unchalik yorqin bo‘lmagan statistik ma’lumotlarga qaramay, madridliklar futbolchiga to‘liq ishonch bildirmoqda va hatto u uchun jamoada 9-raqamni saqlab qo‘ygan. 17 yoshli futbolchining madridliklar bilan amaldagi shartnomasi 2027 yilgacha mo‘ljallangan, lekin katta ehtimol bilan yana 2 mavsumga uzaytiriladi, chunki avvalroq futbolchi uzoqroq muddatga shartnoma imzolay olmas edi.

Qayd etilishicha, “Los-Blankos” rahbariyati Endrikning muvaffaqiyatidan juda manfaatdor, chunki bu forvard uchun reklama shartnomalari sonini oshirishga yordam beradi va bu klub uchun foydalidir, chunki Madrid uning imidj huquqining 50 foiziga egalik qiladi.