«Manchester Siti» va Norvegiya terma jamoasi hujumchisi Erling Xolandga e’tibor qaratsak, bu futbolchi po‘latdan yasalgandek tuyuladi. Ammo baribir, Haaland, barcha odamlar singari, zaif tomonlarga ham ega. Ligadagi ketma-ket uch o‘yin ham shundan dalolat beradi. Shu holatda norvegiyalik Yevro-2024 saralash bahsida Ispaniyaga xavf tug‘dirishga harakat qiladi.
Avvalroq Xoland 2024 yilgi Yevropa chempionati saralashi doirasida Kiprga qarshi o‘yinda golsiz seriyasini yakunlagan edi. Norvegiyalik 4:0 hisobida g‘alaba qozonilgan bahsda dubl qayd etdi. Ispaniyaliklarni forvardning termadagi statistikasi cho‘chitib yuborishi mumkin - 27 uchrashuv, 27 gol. Payshanba kuni u uchta o‘yindan iborat golsiz seriyasini buzdi. Shunday bo‘lsada, u kichik inqirozni boshdan kechirmoqda.
Yaxshiroq o‘ynasang - ko‘proq bosim olasan
Kiprga qarshi g‘alabali o‘yindan so‘ng, Xoland e’tirof va bosim mavzusiga oid fikrlar bildirdi. Forvard uning ismini doim eshitishlaridan, diqqat markazida bo‘lishdan biroz charchaganini aytdi va bu to‘g‘ri, u duchor bo‘layotgan bosim, ehtimol, asossizdir. Ikkita, uch yoki sakkizta o‘yin o‘ynaysizmi, bosim hali ham saqlanib qoladi va ehtimol u kuchayadi.
Xoland Kipr ustidan qozonilgan g‘alabadan keyin o‘tkazilgan matbuot anjumanida: «Ba’zida bunday stress va ismimni tilga olaverishlaridan charchayman», – degandi.
Jahon rekordchisi
Norvegiyalik haqida qiziqarli fakt International Age Records portali jurnalistlari tomonidan topildi. Portal ma’lumotlariga ko‘ra, Xoland besh yoshli bolalar o‘rtasida tik sakrash bo‘yicha rekordchi hisoblanadi. Uning rekordi - 1,63 metr. Bu yutuq hamon «Manchester Siti» hujumchisiga tegishli va bu Xolandning jahon futbolidagi figurasi har doim yorqin bo‘lishini ko‘rsatadi.
Terma umidi
Norvegiya odatda qishki sport turlari bilan mashhur, ammo futbol bilan qandaydir tarzda maxsus shug‘ullanishmaydi. Lekin ba’zida jamoada katta nomlar paydo bo‘ladi: Ole-Gunnar Sulsher, Martin Edegor va boshqalar. Ammo ularning barchasi turli avlodlarda o‘ynashgan. Norvegiyaliklarni kuchli jamoa deb bo‘lmaydi, aksincha, bir nechta o‘yinchilar tarkibdan alohida ajralib turadi. Hozir norveglar uchun saralash yakunlanishiga 3 ta tur qoldi. 15 oktyabr kuni jamoa Ispaniya bilan mehmonda, dekabrda esa Farer orollari va Shotlandiyaga qarshi ikkita o‘yin o‘tkazadi. O‘rinlar taqsimotini hisobga olsak, Norvegiyaning imkoniyatlari yaxshi. Ispaniya bilan durang o‘ynab, keyin qolgan o‘yinlarda g‘alaba qozonish muhim. Katta ehtimol bilan hammasi Xolandning formasiga bog‘liq.
