Ispaniya prokuraturasi yana Xabi Alonsoni soliqdan bo‘yin tovlagani uchun jazolamoqchi.
Prokuraturaning fikricha, ispaniyalik sobiq futbolchi, hozirda Leverkuzenning «Bayer» klubi bosh murabbiyi Madeyra orolida ro‘yxatdan o‘tgan kompaniya orqali o‘z daromadini imij huquqidan yashirgan va shu tariqa soliqlardan bo‘yin tovlagan. Zarar 2 million yevroga baholanmoqda.
Shu bilan birga, 2019 yilda sud «Real Madrid»ning sobiq futbolchisini ikkinchi marta oqladi va uni Ispaniya soliq qonunchiligi bo‘yicha aybsiz deb topdi. Hozirda prokuratura ushbu qaror ustidan apellyasiya bergan.
Prokuratura Alonsoni 2010-2012 yillarda sodir etgan qoidabuzarliklari uchun ikki yarim yillik qamoq jazosiga majburlamoqchi. Biroq sud uning harakatlarida hozircha jinoyat topmadi.